ઈડર તાલુકાના મણીયોર ગામની દીકરી અર્ચનાબેન ગીરધરભાઈ પાટીલ બોર્ડર સિક્યુરિટી ફોર્સ (BSF)ની કઠોર અને શિસ્તબદ્ધ

ઈડર તાલુકાના મણીયોર ગામની દીકરી અર્ચનાબેન ગીરધરભાઈ પાટીલ બોર્ડર સિક્યુરિટી ફોર્સ (BSF)ની કઠોર અને શિસ્તબદ્ધ તાલીમ સફળતાપૂર્વક પૂર્ણ કરીને પોતાના વતનમાં વાપસી કરતાં સમગ્ર વિસ્તારમાં ગૌરવ અને આનંદનો માહોલ સર્જાયો છે. એક સામાન્ય ગ્રામ્ય પરિવારમાં જન્મેલી દીકરીએ અદમ્ય હિંમત, દૃઢ નિશ્ચય અને સતત પરિશ્રમના બળ પર દેશની સુરક્ષા જેવી જવાબદારી સભર સેવામાં સ્થાન મેળવી પોતાના ગામ, પરિવાર અને સમગ્ર સમાજનું નામ રોશન કર્યું છે.ગામના લોકો માટે આ પ્રસંગ માત્ર આનંદનો જ નહીં પરંતુ પ્રેરણાનો પણ બની રહ્યો છે. અર્ચનાબેનના વતનમાં આગમનની ખબર મળતાં જ ગ્રામજનોમાં ઉત્સાહની લાગણી જોવા મળી રહી છે. યુવાપેઢી ખાસ કરીને યુવતીઓ માટે તેઓ જીવંત ઉદાહરણ બની છે કે મજબૂત ઈચ્છાશક્તિ હોય તો ગામડાંમાંથી પણ રાષ્ટ્રીય સ્તરે સફળતા મેળવી શકાય છે.પરિવારજનોના જણાવ્યા મુજબ અર્ચનાબેન બાળપણથી જ દેશસેવાનું સ્વપ્ન જોતી હતી.શાળાકાળથી જ તેઓ અનુશાસનપ્રિય, મહેનતુ અને આત્મવિશ્વાસથી ભરપૂર રહી છે. અભ્યાસ સાથે સાથે શારીરિક ક્ષમતા વધારવા માટે દોડ, વ્યાયામ અને નિયમિત તાલીમ લેવાની ટેવ તેમણે બાળપણથી જ વિકસાવી હતી. BSF જેવી પ્રતિષ્ઠિત અને કઠિન ભરતી પ્રક્રિયા પાર કરવી સહેલી નથી હોતી, છતાં તેમણે અનેક પડકારોનો સામનો કરી પોતાની કાબેલિયત સાબિત કરી છે.BSF તાલીમ દરમિયાન કઠોર શારીરિક કસરતો, શિસ્તબદ્ધ દૈનિક સમયપત્રક, માનસિક મજબૂતી અને દેશપ્રેમની ભાવના જરૂરી હોય છે. આ તમામ માપદંડોને સફળતાપૂર્વક પૂર્ણ કરીને અર્ચનાબેને બતાવી દીધું કે દીકરીઓ કોઈ પણ ક્ષેત્રમાં પાછળ નથી. તેમના ટ્રેનિંગ દરમિયાનના અનુભવો પણ અન્ય યુવાઓ માટે માર્ગદર્શક બની શકે છે.અર્ચનાબેન ગીરધરભાઈ પાટીલની આ યાત્રા અનેક યુવાઓને પ્રેરણા આપતી રહેશે અને ગામડાંની દીકરીઓ માટે નવી દિશા દર્શાવશે. ગામમાં આજે એક જ ચર્ચા છે – “અમારી દીકરી દેશની રક્ષા માટે તૈયાર છે.